ប្រមុខការទូតកម្ពុជា និងឥណ្ឌូណេស៊ី ពិភាក្សាពីបញ្ហាអាស៊ាន រឿងសមុទ្រចិន
ឯកឧត្តមឧបនាយករដ្ឋមន្ត្រី ហោ ណាំហុង
រដ្ឋមន្ត្រីការបរទេសកម្ពុជា ព្រឹកថ្ងៃទី១៩កក្កដា ឆ្នាំ២០១២ នៅទីស្តីការក្រសួងការបរទេស បានទទួលជួបរដ្ឋមន្ត្រីការបរទេសឥណ្ឌូណេស៊ី លោក
ម៉ាទី ណាតាឡេហ្គាវ៉ា ( Marty Natalegawa ) ដើម្បីពិភាក្សាទ្វេភាគី បន្ទាប់ពីកិច្ចប្រជុំរដ្ឋមន្ត្រីការបរទេសអាស៊ានលើកទី៤៥ ដែលបានបិទបញ្ចប់កាលពីសប្តាហ៍មុន នៅក្នុងរាជធានីភ្នំពេញ។
ក្រោយជំនួបនេះ ឯកឧត្តម ឧបនាយករដ្ឋមន្ត្រី ហោ ណាំហុង រដ្ឋមន្រ្តីក្រសួងការបរទេស
និង សហប្រតិបត្តិការណ៍អន្តរជាតិ មានប្រសាសន៍ថា
"កិច្ចពិភាក្សាទ្វេភាគិនេះ ដើម្បីរកគន្លឹះរក្សាការឯកភាពគ្នាក្នុងអាស៊ាន។ ជាលទ្ធផល នោះ គឺឯកភាពគ្នាលើចំណុចចជាគោលការណ៍មួយចំនួន ទាក់ទងនឹងបញ្ហាសមុទ្រចិនខាងត្បូង។
ឯកឧត្តមបញ្ជាក់ថា ឯកឧត្តមនឹងផ្ញើចំណុចនៃគោលការណ៍នេះ សុំការបញ្ជាក់យល់ព្រមពីសហសេវឹក
ជារដ្ឋមន្ត្រីការបរទេសអាស៊ាន ដើម្បីសុំការយល់ព្រមលើចំណុចនៃគោលការណ៍ទាំងនេះ ។ នៅពេលរដ្ឋមន្ត្រីការបរទេសអាស៊ានផ្សេងទៀតយល់ស្របហើយ នៅរសៀលថ្ងៃទី២០កក្កដា ឆ្នាំ២០១២ ឯកឧត្តមនឹងធ្វើសន្នសីទកាសែតម្តងទៀត"។
ឯកឧត្តមបញ្ជាក់ថា កិច្ចប្រជុំរដ្ឋមន្ត្រីការបរទេសអាស៊ានលើកទី៤៥ មិនអាចចេញសេចក្តីថ្លែងការណ៍រួមបាន ដោយសារសមាជិកអាស៊ានខ្លះ យកជម្លោះសមុទ្រចិនខាងត្បូងធ្វើចំណាប់ខ្មាំង។
ឯកឧត្តមបញ្ជាក់ថា កិច្ចប្រជុំរដ្ឋមន្ត្រីការបរទេសអាស៊ានលើកទី៤៥ មិនអាចចេញសេចក្តីថ្លែងការណ៍រួមបាន ដោយសារសមាជិកអាស៊ានខ្លះ យកជម្លោះសមុទ្រចិនខាងត្បូងធ្វើចំណាប់ខ្មាំង។
ឯកឧត្តម
ម៉ាទី បានប្រាប់ក្រុមអ្នកយកព័ត៌មានថា កាលពីថ្ងៃពុធ លោកបានអញ្ជើញទៅជួបសមភាគីហ្វីលីពីន ហើយឯកឧត្តមនឹងចេញដំណើរទៅប្រទេសជាសមាជិកអាស៊ានដទៃទៀត ដើម្បីកាត់បន្ថយការបែកបាក់បន្ថែមទៀត និងធ្វើឲ្យប្រសើរឡើងវិញរវាងសមាជិកអាស៊ានទាំងអស់។
គួររំលឹកថា ក្រោយពេលកិច្ចប្រជុំ រដ្ឋមន្ត្រីការបរទេសអាស៊ាន មិនអាចចេញសេចក្តីថ្លែងការណ៍រួមបាន ដោយសារប្រទេសហ្វីលីពីន បានទាមទារឲ្យបញ្ចូលបញ្ហាជម្លោះកោះ Scarborough Shoal ទៅក្នុងរបៀបវារៈ នៃកិច្ចប្រជុំ។
