ជាចម្បងក្រសួងទេសចរណ៍
ជំរុញឲ្យម្ចាស់សិប្បកម្មផលិតវត្ថុអនុស្សាវរីយ៍ ផ្តោតលើគុណភាព
រដ្ឋមន្រ្តីក្រសួងទេសចរណ៍
បានជំរុញដល់ម្ចាស់សិប្បកម្មផលិតវត្ថុអនុស្សាវរីយ៍ ទាំងអស់ត្រូវផ្ដោតសំខាន់លើ គុណភាព
សោភ័ណភាព និងទាមទារឲ្យមានការកែលម្អ ការរចនាឲ្យបានប្រសើរមានលក្ខណៈជារបស់ខ្មែរ។
ថ្លែងក្នុងពិធីប្រកាសឲ្យប្រើបា្រស់ស្លាកសញ្ញា
កេរ្តិ៍ លើវត្ថុសិប្បកម្មទេសចរណ៍កម្ពុជា កាលពី ថ្ងៃទី២៥ ខែតុលា
នៅសណ្ឋាគារកាំបូឌីយ៉ាណា ឯកឧត្តម ថោង ខុន រដ្ឋមន្រ្តីក្រសួង ទេសចរណ៍ មានប្រសាសន៍ថា
ចំណុចគួរឲ្យកត់សម្គាល់ និងវាយតម្លៃខ្ពស់ពីភ្ញៀវទេសចរនោះ គឺគុណភាពផលិតផល ការផលិត
ការវេចខ្ចប់ ការបិទស្លាកសញ្ញា ប្រភពនៃផលិតផល និងការលក់ដូរវត្ថុអនុស្សាវរីយ៍
ដែលបង្ហាញជារបស់ខ្មែរពិតៗ។
ឯកឧត្តមបញ្ជាក់ថា
ការរៀបចំពិធីប្រកាសការប្រើប្រាស់ស្លាកសញ្ញាកេរ្តិ៍ លើវត្ថុសិប្បកម្ម ទេសចរណ៍កម្ពុជានាពេលនេះ
គឺជាការបង្ហាញអំពីការអភិវឌ្ឍវិស័យទេសចរណ៍ ដែលបាន និងកំពុងយកចិត្តទុកដាក់ក្នុងការលើកកម្ពស់គុណភាព
ប្រសិទ្ធភាព ការយកចិត្តទុកដាក់គាំទ្រ និងការពង្រឹង
ឲ្យកាន់តែខ្លាំងថែមទៀតនូវប្រពៃណី បេតិកភណ្ឌវប្បធម៌របស់កម្ពុជា ។
ឯកឧត្តមរដ្ឋមន្រ្តីបន្តថា
រាជរដ្ឋាភិបាលកម្ពុជា បានជម្រុញ និងលើកទឹកចិត្តឲ្យមានការបង្កើតនូវផលិតផលទេសចរណ៍ថ្មីៗ
និងផ្សេងៗពីគ្នាទាំងគោលដៅទាក់ទាញទេសចរណ៍ និងផលិត ផលទេសចរណ៍ ដែលផលិតផលទាំងនេះ ផ្អែកទៅលើធនធានធម្មជាតិ
បិតិកភណ្ឌវប្បធម៌ ជាពិ សេសវត្ថុសិប្បកម្ម និងវត្ថុអនុស្សាវរីយ៍ជារបស់ខ្មែរ នៅទូទាំងប្រទេស
។
លោក Erik Sidgwick
នាយកធនាគារអភិវឌ្ឍអាស៊ី(ADB)ប្រចាំកម្ពុជា បានកត់សម្គាល់ថា
ការផ្ដល់គម្រោងរបស់ធនាគារអភិវឌ្ឍអាស៊ី គឺដើម្បីរួមចំណែកលើកកម្ពស់
និងការផ្ដល់អត្ថប្រយោជន៍ឲ្យកាន់តែប្រសើរឡើង ដល់អ្នកផលិតវត្ថុអនុស្សាវរីយ៍នៅតាមជនបទ
និងការរៀបចំឲ្យមានទីផ្សារទេសចរណ៍ ព្រមទាំងការពង្រឹងខ្សែសង្វាក់ផលិតកម្មទេសចរណ៍
ការបង្កើតនូវសេវាកម្មទេសចរណ៍ និងចូលរួមផ្សព្វផ្សាយអំពីផលិតផល ដែលពលរដ្ឋក្នុងមូលដ្ឋានបានផលិតសម្រាប់ភ្ញៀវទេសចរ។
លោកបន្តថា គម្រោងនេះ
នឹងចូលរួមបង្កើនប្រាក់ចំណូល និងបង្កើតការងារក្នុងមូលដ្ឋានសម្រាប់គ្រួសារក្រីក្រ តាមរយៈការផលិត
និងការលក់វត្ថុសិប្បកម្មខ្មែរ និងចំណីអាហារ កែច្នៃនៅក្នុងសហគមន៍មូលដ្ឋាន ដែលមានការដាក់លក់នូវផលិតផលវត្ថុអនុស្សាវរីយ៍
ក៏ដូចជាម្អូបអាហារ និងស្លាកសញ្ញារបស់ខ្មែរ ។
ឯកឧត្តម ទិត ចន្ថា
អគ្គនាយកទេសចរណ៍ នៃក្រសួងទេសចរណ៍ និងជាប្រធានគណៈកម្មាធិការដឹកនាំគម្រោងកាត់បន្ថយភាពក្រីក្របានឲ្យដឹងថា
បច្ចុប្បន្ន ក្រសួងទេសចរណ៍កំពុងអនុវត្តគម្រោង
លើកកម្ពស់ទីផ្សារផលិតផលសម្រាប់ប្រជាពលរដ្ឋក្រីក្រីនៅភូមិភាគកណ្ដាល ប្រទេសកម្ពុជា ។
គម្រោងនេះ មានគោលដៅកាត់បន្ថយភាពក្រីក្រ ជាពិសេសលើកស្ទួយមុខរបរខ្នាតតូចដែលគ្រប់គ្រងដោយស្ដ្រីនៅក្នុងភូមិគោលដៅចំនួន១១នៅក្បែរ
និងនៅជុំវិញតំបន់បា្រសាទសម្បូរព្រៃគុក ស្ថិតក្នុងខេត្តកំពុងធំ ហើយគម្រោងនេះដែរគ្រប់គ្រង
ដោយធនាគារអភិវឌ្ឍអាស៊ី ក្រោមហិរញ្ញប្បទានមូលនិធិរដ្ឋាភិបាលជប៉ុនសម្រាប់កាត់បន្ថយភាពក្រីក្រី
៕
