រាជរដ្ឋាភិបាលផ្តល់កោះ៣៦ នៃខេត្តមាត់សមុទ្រចំនួន៤

រាជរដ្ឋាភិបាលផ្តល់កោះ៣៦ នៃខេត្តមាត់សមុទ្រចំនួន៤ 

ទៅឲ្យក្រុមហ៊ុនក្នុងស្រុក និង ក្រៅប្រទេស ដើម្បីអភិវឌ្ឍ​វិស័យ​ទេសចរណ៍

រាជរដ្ឋាភិបាលកម្ពុជា កាលពីឆ្នាំ២០០៩ ដល់ឆ្នាំ២០១១ បានសម្រេចផ្តល់កោះចំនួន៣៦ ដែល ស្ថិតក្នុងខេត្តជាប់មាត់សមុទ្រចំនួន៤ ទៅឲ្យក្រុមហ៊ុនវិនិយោគចំនួន៣៩ ទាំងក្នុង និង ក្រៅប្រទេស ដើម្បីធ្វើការ អភិវឌ្ឍតំបន់ឆ្នេរ លើវិស័យទេសចរណ៍ឲ្យកាន់តែប្រមាន​ភាព​ទាក់ទាក់។ ប៉ុន្តែ ក្នុងចំណោម​ក្រុមហ៊ុនទាង អស់ខាងលើនៅមានក្រុមហ៊ុនមួយចំនួនតូច មិនទាន់បានអនុវត្តគម្រោង​របស់​ខ្លួននៅឡើយទេ។

ឯកឧត្តម ថោង ខុន រដ្ឋមន្រ្តីក្រសួងទេសចរណ៍ បានប្រាប់អ្នកាកសែតថា បច្ចុប្បន្នមានក្រុម ហ៊ុនជិត៤០បានទទួលសិទ្ធិវិនិយោគ ពីរាជរដ្ឋាភិបាលហើយក្រុមហ៊ុន ភាគច្រើនបានដំណើរ​ការ និងកំពុងធ្វើ​សកម្មភាពវិនិយោគរបស់ខ្លួនរួចហើយ ប៉ុន្តែ នៅមានក្រុមហ៊ុនតិចតួចប៉ុណ្ណោះ ដែលមិនទាន់ មានសកម្មភាពនៅឡើយ ទោះបីជាទទួលបានសិទ្ធិនេះហើយក្តី។

ឯកឧត្តម បានអំពាវនាវឲ្យបណ្តាក្រុមហ៊ុនណា ដែលមិនទាន់បានធ្វើសកម្មភាព ត្រូវអនុវត្ត​គម្រោង​របស់ខ្លួន និងត្រូវគោរពតាមកិច្ចសន្យា ដើម្បីជំរុញការរួមចំណែកដល់ការអភិវឌ្ឍ សេដ្ឋ​​កិច្ច​ជាតិ។

គួររំលឹកថា ក្រុមហ៊ុនទាំង៣៩ ដែលត្រូវវិនិយោគនៅតាមបណ្តាខេត្តជាប់ឆ្នេរសមុទ្រ ដែលជា​តារារះនៅទិសនិរតីទាំង៤ រួមមានខេត្តកោះកុងចំនួន៨កោះ ខេត្តព្រះសីហនុ២០កោះ  ចំណែក​​ខេត្តកែប និង ខេត្តកំពត​មានចំនួន១១កោះ។