រាជរដ្ឋាភិបាលមិនវាស់វែងដីណាដែលពាក់ព័ន្ធ ជាមួយបក្សនយោបាយ
ថ្លែងក្នុងពិធីផ្តល់បណ្ណ័កម្មសិទ្ធិដីធ្លី ជូនប្រជាពលរដ្ឋចំនួន៥៧០គ្រួសារ
នៅភូមិស្រមូវ ឃុំប៉ាលហាល ក្រុងព្រះវិហារ ខេត្តព្រះវិហារ នៅព្រឹកថ្ងៃទី២៣
ខែវិច្ឆិកា ប្រមុខរាជរដ្ឋាភិបាលកម្ពុជា សម្តេចតេជោហ៊ុន សែន បានមានប្រសាសន៍ថា បើចង់ឲ្យរាជរដ្ឋាភិបាលចុះវាស់វែងដោះស្រាយដីធ្លីជូន
ប្រជាពលរដ្ឋទាំងអស់ មិនត្រូវ ពាក់ពន្ធ័នឹងអ្នកនយោបាយ ឬអង្គការក្រៅរដ្ឋាភិបាលណាមួយឡើយ
បើពុំនោះទេ ដីធ្លីទាំងនោះ នឹងត្រូវបង្កកទុកជាមិនខាន។
សម្តេចមានប្រសាសន៍ថា៖ ការចុះយុទ្ធនាការអនុវត្តនយោបាយចាស់សកម្មភាពថ្មីនេះ
រាជរដ្ឋាភិបាលបានខិតខំ ធ្វើយ៉ាងណា ប្រែក្លាយដីធ្លី ដែលប្រជាពលរដ្ឋកាន់កាប់មិនទាន់ស្របច្បាប់នាពេលកន្លងមក
ឲ្យទៅជាដី ដែលកាន់កាប់ដោយស្របច្បាប់ ដើម្បីធានានិរន្តរភាព នៃការកាន់កាប់ដីធ្លី ។
សម្តេចបានគូសបញ្ចាក់ថា ការចូលឡុកឡំណាមួយ ដែលខុសច្បាប់ពីមន្ត្រីរាជការ
នគរបាល ទាហាន អ្នកមានអំណាច អង្គការក្រៅរដ្ឋាភិបាល ពីអ្នកនយោបាយ ឬពីបក្សនយោបាយណាមួយគឺជាទង្វើខុសច្បាប់
។ ជាមួយគ្នានេះដែរ សម្តេចបានលើកឡើងផងដែរថា នៅកម្ពុជា មិនមានអ្នកទោសនយោបាយទេ ប៉ុន្តែមានអ្នកនយោបាយ
ដែលជាប់ទោសព្រហ្មទណ្ឌ។ មានគេចោទប្រកាន់សម្តេចថា សម្តេចកំពុងលូកដៃចូលក្នុងរឿងតុលាការ
ប៉ុន្តែពេលខ្លះ បែរជាមានអ្នកមកសុំឲ្យសម្តេចជួយធ្វើអន្តរាគមន៍ ដើម្បីដោះលែងអ្នកនយោបាយជាប់ទោសព្រហ្មទណ្ឌទៅវិញ។
សម្តេចបញ្ជាក់ថា៖តុការការជាប្រពន្ធ័ឯករាជ្យមួយ
មិនមានអ្នកណាអាចរំលោភបំពានបានទេ សូម្បីតែរូបសម្តេច បើសិនធ្វើខុស ក៏តុលាការគេនឹងកាត់ទោសដែរ
និយាយរួមគ្មានអ្នកណាម្នាក់នៅលើច្បាប់បានទេ។ផ្កាយៗពាក់ពន្ធ័គ្រឿងញៀន
ពាក់ពន្ធ័និងបញ្ហាលំលោភនេះរំលោភនោះ អស់ផ្កាយប៉ុន្មានហើយយកដាក់គុកិ
តុលាការយកៅកាត់ ឲ្យរដ្ឋាភិបាលទៅអន្តរាគមន៏យ៉ាងម៉ិចអញ្ចឹងបញ្ហានេះត្រូវពិនិត្យឲ្យច្បាស់
តែអ្វីជាចំណុចធំរបស់ខ្ញុំគឺដោះស្រាយឲ្យវាពិតបើដោះស្រាឆយមិនពិត ប្តឹងផ្តល់គ្នា.។អង្គការខ្លះសុំដីយកទៅលក់អញ្ចឹងកុំឲ្យមានតទៅទៀតរឿងអង្គការសុំដីនេះ)។
សម្តេចបន្តថា ការចុះវាស់វែងផ្តល់កម្មសិទ្ធដីធ្លីនេះ គឺរាជរដ្ឋាភិបាលធ្វើសម្រាប់ប្រជាជនខ្មែរទាំងអស់ដោយមិនប្រកាន់គណបក្សនយោបាយឡើយ
។
No comments:
Post a Comment